Wär steckt hinger FIUE Hochzeitsplanung?

Aline Bourquin, 90er Chind, Bärnerin

Nach mire Usbiudig zur koufmännische Agsteute und Witerbiudig ar höchere Fachschu für Wirtschaft hani viu Erfahrige im Eventberich dörfe sammle. I ha diversi Firmeevents, sowie privati Events organisiert. Drzue si ner viu Hochzite vo Kollege u Kolleginne cho. Dört hani mini Lideschaft entdeckt. Z’Lächle i de Gsichter vo de Brutpaar hei mi verzouberet, u so hani mi entschide no e Witerbiuig us Hochzitsplanerin z mache.

Im Pont de Thielle hani viu Erfahrige dörfe sammle und mini Fähigkeite aus Hochzitsplanerin erwitere und festige. Witer chani dert z Team a diverse Hochzite unterstütze & sta mitr Patricia i engem Kontakt zur Witerbiudig aus „Wedding Planner“.

Mit mine userwäute und motivierte Partner, weti euches Fescht unvergässlech mache! Ganz egau ob dir nur e Beratig aus Starthiuf bruchet oder e Rundumberatig i Aspruch nehmet. I bi immer mit ganzem Elan und Herze drbi. Für immer u ewig e schöne Moment – genau das isch mis Ziu.
I freue mi uf euchi Afrage!